عدد المساهمات : 34 نقاط : 5174 تاريخ التسجيل : 04/05/2010
موضوع: ترى (الكذاب) ..... يروح (النار) .... الثلاثاء مايو 04, 2010 11:00 am
على ذاك الرصيف اسهر و اناجي بكل الجنون ( القار ) اكلم شارع ٍ خالي سواده من سواد الليل . . ترى ماهو فَلَس ولا بقلبي قـلّـت الأشعار و لكن واقعي يفرض علي اكتب بلا تعديل . . انا راح العقل مني و عندي للجنون اعذار معاناتي اذا بوصف .. تفوق الوصف و التعليل . . من اللي قد وقف مثلي يواجه لعنة الأقدار ؟ رضى يبقى و يتحمل .. عشر اضعاف همه يشيل . . من اللي ثبت اقدامه يقاوم شدة التيار ؟ و يعرف ان النخل و هو النخل راح و جرفه السيل . . من اللي حب له طفله و حلم من يوم كانوا صغار يتوج حبه بفرحه .. و امه تحضنه بتهليل . . يمر الوقت و سنينه تمر و يستوون كبار ويتغرب لجل حلمه .. يسابق كل شباب الجيل . . و يرجع رافع ٍ راسه بعد ما صار هو طيار و بقى من حلمه الوردي زفافٍ يرفض التأجيل . . يجيها يقول حان الوقت .. تعالي نكشف الأسرار طفح كيل الصبر ما عاد في صبري و صبرك كيل . . و يذكرها بوقت صار مع مر الزمن تذكار بأيام الطفوله يوم يغرقها غلا و تدليل . . يمازحها و تردد له ( ترى الكذاب يروح النار ) يجافيها و تهمس له ( أعرف ان الجفا تمثيل ) ! . . و تدمع عينهم لثنين .. يهلون الدمع مدرار ترى الذكرى ولو حلوه .. طواريها تهد الحيل . . و تسرح في وسط عينه .. تفكر .. تترجف .. تحتار يسألها عسى ما شر ؟ ... و يطيح من ايدها المنديل . . و تنزل عالركب و تقول .. تسامحني على اللي صار ؟ حشا والله ما خنتك .. و لكنه حصل تبديل . . تراها غيبتك طالت و تدري وقتنا غدار كبرت .. و خفت تتأخر .. و خير البر بالتعجيل . . و يشهق .. يلمح الخاتم .. يحس القاع تحته دار ولا يستوعب الموقف بليا شرح او تحليل . . يسود الصمت .. ولا كلمه .. و نظره كلها استنكار شلل صاب اللسان و صاب كفين العتب تكبيل . . دقيقه تمر .. طعمها مر .. نهاية عمر .. موت ازهار خسارة حب .. ضياع فـ درب .. نار تشب .. عذاب و ويل . . و يسرح .. لو بعيده تهون .. و لكن كيف بنت الجار !! و يكسر صمته بصرخه .. تعدت في مداها سهيل . . و يفقد وعيه و ينزل على قاع الثرى منهار مصيبه كيف يتحمل ؟ .. ترى ما بالأمر تسهيل . . ما بينه و بين غرفتها .. ممر ٍ و نْخله و جدار و هذا اللي يعذبه و يزود طينه بتبليل . . يشوف اللي سرق عمره .. سكن وياها نفس الدار غدى جار ٍ و له حق ٍ نزل في محكم التنزيل . . و يتخيله يغازلها و يقول انه عليها يغار و يتردد صدى همسه و لمسه و ضحكه و تقبيل . . يناظر دارها و فكره ورا ذيك الستاير حار و شباك الهوى عتمه بعد ما زادوا التظليل . . يقرر زوجها يبني و يرفع مستوى الأسوار و يتصرف على كيفه .. عنده منهم توكيل . . و مكسور الجناح اللي بلا ذنب ٍ يذوق امرار يصارع حسرته و يجر بعد ذيك الهزيمه ذيل . . يفكر كيف طاوعها الضمير تكون شي ٍ ضار بعد ما كانت لعمره عمر يحسب مداه طويل . . خذت كل ما بقى منه .. و من عقله خذت الأفكار و برواز الوعد مايل .. خذته تخاف قال و قيل . . عطت بروازه لغيره .. و خلت في الحشا مسمار و آخر كلمه قالتها .. رجاءاً ما ابيك تعيل . . و رد بكل غضب يسأل ... تحسبيني من اهل الثار؟ انا وقتي غدى ملكي .. و لا يتحمل التعطيل . . وداع الله .. و اذا بعدك مرض .. ايماني العطار انا لي رب ما يهمل .. بقرا كتابه بترتيل . . و اذا كانت مسافات المنازل بيننا اشبار بخليها سفر ايام .. و اساوي كل شبر بميل . . و اذا قالوا علي مجنون .. او ملبوس و صابه زار يناجي شارع ٍ خالي لوحده في توالي الليل . . بقول ان الجنون ارحم .. كتبت من الجنون اشعار و صدق اشعاري يتحدى الذي قال الشعر تمثيل . . و اعيش العمر ارددها ( ترى الكذاب يروح النار ) براءه كانت الجمله .. و لكنه حصل تبديل . . حكاية عمري من يوم الطفوله لين صرنا كبار في هذي الصفحه شفتوها و عايشتوها بالتفصيل . . ابي شخص ٍ ينورني .. و من ابياتي بس يختار حرف ٍ ما شكى من هم .. و يبشر مني بتعديل . . بعدها بعلن افلاسي .. و بترك عالم الأشعار لأني ما قدرت اعطي لحزني في الشعر تعليل . . و برجع للسرير اللي من غيابي شكى محتار و اريح عين شوهها سواد ٍ يشبه التكحيل . . و في آخر بيت بسألكم .. عرفتوا ليش اناجي القار؟ قولوا للثريا من تناجي لو خذلها سهيل . . . . {{ وسلامتكمـ ..}}...
بويه كووول داج فضي
عدد المساهمات : 231 نقاط : 5434 تاريخ التسجيل : 03/05/2010
موضوع: رد: ترى (الكذاب) ..... يروح (النار) .... الخميس مايو 06, 2010 6:22 am
يسلمو يا الغلا صح لسانك مررره روعه
ج ــبــر الخــ ووااطــــر داج جديد
عدد المساهمات : 14 نقاط : 5148 تاريخ التسجيل : 06/05/2010 العمر : 33 الموقع : قلوب الحبايب لي موقع
موضوع: رد: ترى (الكذاب) ..... يروح (النار) .... الخميس مايو 06, 2010 2:25 pm
عدد المساهمات : 180 نقاط : 5375 تاريخ التسجيل : 07/05/2010 العمر : 39 الموقع : اخر لفة على اليمين هع
موضوع: رد: ترى (الكذاب) ..... يروح (النار) .... الثلاثاء مايو 11, 2010 6:19 pm
الله الله عليك
كلام راقي من منبع راقي
وشعر مزوزون واحلى المعااني فية <<مصلح من حكام شاعر المليون هع هع
بس لا اعرف الشعر الموزون والمكسوور
صح اللسانك وتسلم الايااادي دمتي بود
ا
جُنـﯚنـٍﯥ/Ǻ.. داج جديد
عدد المساهمات : 13 نقاط : 5140 تاريخ التسجيل : 11/05/2010
موضوع: رد: ترى (الكذاب) ..... يروح (النار) .... الأربعاء مايو 19, 2010 10:31 am
حزيـــــــــــــــــــــــــنه مره كلماتها ........ >>> خانها التعبير بصيح
يسلمووووو
بكل اللغات أحبك مراقب عام
عدد المساهمات : 293 نقاط : 5519 تاريخ التسجيل : 30/04/2010 العمر : 33
موضوع: رد: ترى (الكذاب) ..... يروح (النار) .... الخميس مايو 20, 2010 6:41 pm
و اذا قالوا علي مجنون .. او ملبوس و صابه زار يناجي شارع ٍ خالي لوحده في توالي الليل . . بقول ان الجنون ارحم .. كتبت من الجنون اشعار و صدق اشعاري يتحدى الذي قال الشعر تمثيل .
عبارات وقصيدة تهز القلوب لروعتها صح لسانك
ღprincess•●ღ.•● داج مميز
عدد المساهمات : 142 نقاط : 5282 تاريخ التسجيل : 27/05/2010 العمر : 30
موضوع: رد: ترى (الكذاب) ..... يروح (النار) .... السبت يوليو 03, 2010 8:25 pm