ودي اموت اليوم وأعيش باكر

ودي أموت اليوم وأعيش باكر
وأشوف من هو بعد موتي فقدني
ومن هو حملني لين ذيك المقابر
وأشكر أنا كل من كرمني ودفني
وبشوف يرثيني أنا كم شاعر
ومن هو تركني وماكتب شي عني
شخص تعنا لي مع انه مسافر
وشخص قريب وانا ميت طعني
وشخص يمثل دمعته ماهو قادر
وشخص تطيح دموعه كا متذكرني
ومن هو من أهلي فالعزا كان حاضر
ومن هو دعالي في صلاته ورحمني
ومن هو بنا باسمي سبيل ومنابر
ومن هو يفز قلبه الا من لمحني
ومن هو عشاني طول الأيام ساهر
ومن هو ثلاث أيام راح وتركني
ومن هو يرتب غرفتي والدفاتر
وان شاف صورة لي مات وحضني
يالله عسى ماتخفي كل المشاعر
ويالله عسى ماينصدم يوم ظني
خايف يروح العمر وأكون خاسر
وان طار طيري مايفيد التمني
وخايف يجيني وقت اكسر خواطر
ان دارت الدنيا وزماني كسرني
ومدام هذي الدنيا صارت مظاهر
وكل من على كيفه وجوه يغني
صحيح مسلم لكن الهم كافر
كل مابغيت اضحك يهددني حزني
الضيق وافي والحزن حيل وافر
والجرح أكثر شي شفته يحبني
عايش وميت بين ماضي وحاضر
والصبر مفتاح الفرج ضاع مني
قل وش تبي وتتركني ياحزني آمر
مسكين فرحي تصدق أنه وحشني
شاعر ...ولكن ماني بشاعر
ودي اموت اليوم وارتاح مني

يعطيـكـ الــعآفيـه
ماننحرم من جديدكـ
تسلم الأيـآدي
تقبل مروري
كل الود لشخصك الكريم
دمت برآحة بال

ودي اموت اليوم وأعيش باكر Njmqvoofxfiz

الله يسلم يالغلا ويسلمووو على المرور المتواضع.

» شاركنا اليوم إيميلك